ZAMONGA YENGILMA

Taniqli turk yozuvchisi Xalis Karabenli bugungi oʻzbek kitobxonlariga hozircha “Baʼzilar olisdan sevarlar” asari orqaligina tanish. Koʻlingizdagi “Zamonga yengilma” kitobi ham muallifning oʻtkir qalami ila bitilgan boʻlib, asarda inson qalbining turli evrilishlari erkin boʻyoqlar va nozik did bilan tasvirlangan. Xalis Karabenlining qahramonlari, garchi turli feʼl-atvorli kishilar boʻlsa-da, erkka intiladilar, oʻz burch va majburiyatlarini har xil sharoitlarda sinab koʻradilar, hayot mashaqqatlarida toblanadilar. Yozuvchi mazkur asarida inson eng ogʻir sharoitlarda ham ojiz emasligini isbotlaydi. Barchasi insonning ruhiyati, maʼnaviy dunyosi hamda irodasiga bogʻliq ekanini koʻrsatmoqchi boʻladi. Asar keng kitobxonlar auditoriyasiga moʻljallangan.