Sogʻinch shivirlari

Sheʼr inson qalbining tugʻyonlari, uning oʻy-fikrlari, orzu-armonlarining qogʻozdagi ifodasi sifatida nihoyatda murakkab va sehrli jarayon hisoblanadi. Zilola Xoʻjaniyozovaning sheʼrlarini oʻqib, insonning qalb tuygʻulari nihoyatda rost va samimiy namoyon boʻlganligiga amin boʻlasiz. Sheʼrlarning mavzu va koʻlamdagi mavzulari juda keng. Insoniy burch, kishilar oʻrtasidagi mehr-oqibat, Vatanga muhabbat, Ona diyor, yurtimizda yuz berayotgan bugungi ezgu evrilishlar mavzusi ana shular sirasiga kiradi. Zilola Xoʻjaniyozovaning ushbu kitobi sheʼriyat muxlislarga manzur boʻladi, degan umiddamiz.