She'rlar. Hikoya va ocherklar. Hajviyalar

XX asr oʻzbek madaniyatining ulugʻ namoyandalaridan biri Abdulla Qodiriyning adabiy merosi adabiyotning barcha tur va janrlarida yaratilgan asarlardan iborat. Afsuski bugungi kitobxon yozuvchining ikki mashhur asari — „Oʻtgan kunlar“ va „Mehrobdan chayon“ romanlarinigina yaxshi biladi. Holbuki, Abdulla Qodiriy bu asarlardan tashqari, talaygina hikoya va ocherklar, hajviyalar, adabiy va publitsistik maqolalar muallifi hamdir.