SEVGI QISSALARI

Sevgi. Muhabbat... Insoniyat tarixi qancha uzoq boʻlsa, Muhabbat deb atalmish tuygʻu ham shunchalik qadimiydir. Zero, inson bor ekan, sevgi ham yashayveradi. Shoir va yozuvchilar, rassom va bastakorlar asrlar davomida bu mavzuda bir-biridan goʻzal asarlar yaratgani bejiz emas.Elimizning atoqli va ardoqli adibi, Oʻzbekiston xalq yozuvchisi Oʻtkir Hoshimov ham muhabbat haqida talay hikoya, qissa, romanlar yozgan va ular kitobxonlar tomonidan katta qiziqish bilan mutolaa qilib kelinmoqda. Bu asarlarda sevgining sehr va quvonchlari, iztirob va armonlari gʻoyat hayotiy, taʼsirchan aks etgan.Ushbu kitobga adibimizning eng hayajonli asarlari jamlangan.