NAVOIY

Navoiy sheʼriyati va Navoiy obrazi hamisha kuchli bir quyosh kabi koʻnglimni tortar edi. Oʻz asarlarimda shoir Navoiy obrazi yaratishga zoʻr mayl, orzu, istagim bor edi. Lekin tarixga koʻz tashlasam, Navoiy ulugʻ, buyuk bir siymo holida qarshimda turar edi. Yoshligimdan beri Navoiyning oʻlmas, abadiy sheʼrlarini sevib oʻqir edim, uning jozibali gʻazallari borgan sari koʻnglimga singnib bordi, shakl va mazmunlari yuragimni mast va maftun etdi. MUALLIF.