MENING OTIM QIRMIZI

“Mening otim qirmizi” turk yozuvchisi Oʻrxon Pomuqning eng mashhur kitoblaridan biri boʻlib, unda XVI asr Usmonli imperiyasida sodir boʻlgan voqealar aks etadi. Roman Usmonli hukmdori Murod III davrida faoliyat yuritgan bir guruh miniatyurachi rassomlar tomonidan bir-biriga bogʻlangan tarzda hikoya qilnadi. Yaʼni asarda har bir qahramon oʻz tilida gapiradi; U xoh oʻlik, xoh jonsiz boʻlsin, bari tilga kiradi va hikoyani oʻz nuqtayi nazaridan kelib chiqib bayon etadi. Syujet liniyasi juda qiziq boʻlgan ushbu roman shu kungacha juda koʻplab tillarga tarjima qilingan va muallifning eng koʻp oʻqiladigan kitoblari sirasiga kiradi. Ushbu roman birinchi marta oʻzbek tilida nashr etilmoqda.