KO'NGIL IFORI

Yarash aka Nurillayevni kitobxonlar yirik olim, yetuk ilmiy asarlar muallifi sifatida yaxshi bilishadi. Keyingi yillarda oʻquvchilar olimning yana bir ijod qirrasini kashf qildilar. Yarash aka oʻzini zukko faylasuf sifatida ham namoyon etmoqda. Muallifning ikki jildlik «Kamolot va Saodat» deb nomlangan falsafiy esselari – jaydari qilib aytganda koʻngil hikmatlari ikki yil muqaddam kitobxonlar eʼtiborini qozongan edi. Qoʻlingizdagi kitob adibning nazmiy yoʻlda yaratgan asarlaridan iborat boʻldi. Siz moʻʼjaz, qisqagina satrlar orqali muallifning koʻngil izhorlaridan bahramand boʻlasiz, oʻzingiz uchun ibratli, maʼnili fikrlarni oʻzlashtirasiz.