Alvido, qurol

Asarning yaralish tarixiga nazar tashlar ekanmiz, bir jihat eʼtiborimizni tortdi. Yozuvchi «Alvido, qurol!» romanining tugallanish qismini koʻngli toʻlguniga qadar – oʻttiz toʻqqiz marta qayta yozgan ekan. Adib xotiralarida qayd etilgan ushbu maʼlumotdan koʻrinib turibdiki, yozuvchi nafaqat mavzu tanlashda, balki tahrirda ham oʻz-oʻziga nihoyatda talabchan boʻlgan. «Alvido, qurol» romani qahramonlarning fikr-xayollari, kechinmishlari, urushning insoniyat boshiga solgan mudhish kulfatlari haqida oʻylashga, tinchlikning qadriga yetishga chorlaydi.