ЭКОЛОГИК НАЗОРАТНИНГ ЖАМОАТЧИ ИНСПЕКТОРЛАРИ УЧУН УСЛУБИЙ ҚЎЛЛАНМА

Мазкур услубий қўлланма экологик назоратнинг жамоатчи инспекторлари ҳамда шу соҳага қизиқувчи кенг оммага мўлжалланган бўлиб, унда жамоатчилик экологик назорати субъектларининг ҳуқуқ ва мажбуриятлари, ваколатлари, экологик назоратни амалга ошириш тартиби, шакллари ва усуллари, экологик назорат натижаларини расмийлаштириш қоидалари хусусида сўз юритилади. Бундан ташқари, қўлланмада жамоатчилик экологик назорати фаолияти учун зарур бўлган тавсиялар, қонун ва қонун ости ҳужжатларидан кўчирмалар ҳамда экологик атамалар (глоссарий) келтирилган. Мазкур услубий қўлланма Ўзбекистон Республикаси Табиатни муҳофаза қилиш давлат қўмитаси Илмий-техник кенгашининг 2016 йил 17 мартдаги йиғилиши 1-сонли баённомасига асосан нашрга тавсия этилган.