Zulayho daraxti

Yozuvchi Nodir Normatovning ushbu romani Surxon vohasining olis togʻ oraligʻidagi qishloqda yashaydigan zamondoshlarimiz hayotiga bagʻishlangan. XX asr oxiri – XXI asr boshida roʻy bergan voqealar silsilasida bugungi kun qahramoni hayotidagi ziddiyatlar, iztiroblar, psixologik holatlar, ichki kechinmalar badiiy boʻyoqlarda tasvirlangan. Xotira va hayot, burch va tanazzul, yorugʻlikka intilish va oʻzni anglash yoʻlidagi urinishlar oʻziga xos psixologik syujet asosiga qurilgan. Ayni paytda hayotiy lavhalar bilan majoziy timsollar uygʻunlashib ketgan.