Yulduzli Tunlar

Pirimqul Qodirov – oʻzbek adabiyoti va tarixida oʻzining vatanparvarlik mavzusidagi asarlari bilan yaqqol iz qoldirgan buyuk yozuvchidir. U Vatanimizning haqiqiy tarixini badiiy shakllantirishga katta hissa qoʻshgan va buuni oʻzining «Yulduzli tunlar», «Avlodlar dovoni» romanlarida yorqin aks ettirgan. Adibning oʻzbek adabiyoti va madaniyati rivoji oldidagi xizmatlari davlatimiz tomonidan munosib ravishda baholangan. U “Oʻzbekiston Respublikasida xizmat koʻrsatgan madaniyat xodimi” va “Oʻzbekiston xalq yozuvchisi” sharafli unvonlariga sazovor boʻlgan. Oʻzbekiston Respublikasi Davlat mukofotiga loyiq topilgan, “El-yurt hurmati” hamda “Buyuk xizmatlari uchun” ordenlari bilan taqdirlangan.