TURKISTON TARIXIDA OʻTGAN 55 BUYUK SIYMO

Ilk marotaba chop etilayotgan ushbu tarixiy asarda Turon va Turkiston tarixining eng qadimgi davrlaridan tortib XX asr boshlarigacha oʻtgan, yurt taraqqiyotiga munosib hissa qoʻshgan va zaminimiz tarixida oʻchmas iz qoldirgan 55 davlat arbobi haqidagi ilmiy maqolalar jamlangan. Kitobga kiritilgan tarixiy maqolalar dalillarga boyligi va yengil oʻqilishi bilan kishini oʻziga rom etadi. Davlat arboblari va ularning faoliyati mamlakatimiz tarixining shonli sanalari, muhim tarixiy voqealari sirasida, qolaversa, Turk dunyosi va Oʻzbek davlatchiligi tarixiga koʻrgan hissasi hamda maʼnaviyatimiz rivojida tutgan oʻrni nuqtai nazaridan yoritilgan. Mazkur kitob Turkiston va Oʻzbekiston tarixi hamda mashhur davlat arboblari va tarixiy siymolar faoliyati bilan qiziquvchi barcha oʻquvchilar uchun maʼqul boʻladi, degan umiddamiz.