Tog‘ chindan ham o‘sha yerda bo‘lganmi

Urush inson boshiga behisob kulfatlar, qayg‘u-alam soladi. U odamni jismonan mahv etishdan avval uning ruhiga, ma’naviyatiga tajovuz etadi. Qalblarni qotirib, yuraklardan ezgu tuyg‘ularni siqib chiqarishga harakat qiladi. Bunday qabohatlar ichidan o‘zligini, o‘z qalbini asrab qola olgan kishigina inson degan muazzam nomga loyiqdir. Janubiy Koreyalik mashhur adiba Pak Van So qalamiga mansub “Tog‘ chindan ham o‘sha yerda bo‘lganimi” nomli romanda xuddi shunday chuqur falsafiy g‘oyalar ilgari suriladi. O‘quvchi qalbida ezgulikka, yorug‘ kelajakka ishonch, urushga, yovuzlikka nisbatan nafrat uyg‘otadi.