TANKLAR

Aziz bolajon! Yaqindagina oʻynab yurgan oʻyinchoq tanklami ukangizga hadya qilib, uni qanchalar quvontirgansiz. Endi esa ona Vatan tinchligi yoʻlida xizmat qilayotgan akalaringizga havas qilayotgandirsiz? Askarlarning kiyinishi, qaddi-qomati, koʻrsatgan jasurliklari haqidagi koʻrsatuvlarni maroq bilan tomosha qilarsiz? Albatta, yurt posbonlari safida boʻlishni har bir oʻgʻil-qiz orzu qiladi. Orzu-maqsadga yetish uchun puxta bilim olish, sabr-u matonatli boʻlish talab etiladi. El-u yurt, ona Vatan tinchligini qoʻriqlashda esa harbiy texnikani mahorat bilan boshqaradigan sizdek oʻgʻlonlar kerak. Siz uchun tayyorlangan ushbu ensiklopediya harbiy texnikalarning eng kuchlisi - tanklar haqida hikoya qiladi.