SUKUNAT SOHILI

Shodiyor Hazrat Ismot – ijod mas’uliyatini teran his etadi. Uning asarlarida inson qismati, turfa taqdirlar, umr manzaralari jonli va qiziqarli tasvirlanadi. Zero, hayot o‘z quvonchlari-yu tashvishlari bilan murakab va serqirra... Odam va olam, beg‘ubor bolalik va dono keksalik, yaxshilik va yomonlik, vafo va sadoqat — xuddi dunyoning turfa ranglari qorishchiq chizgilar... Bular ijodkor nigohidan chetda qolmaydi. Shodiyor Hazrat Ismotning qalamiga mansub hikoyalar samimiyatga yo‘g‘rilgan. Ularni mutolaa qilar ekansiz, samimiy va mard odamlarning kechinmalariga oshno bo‘lasiz. Ularning fe’l-atvorlari, turmush tarzi, orzu umidlari oxorli tasvirlangan.