SAYLANMA

Hurmatli oʻquvchilar! Abdulla Oripov jonajon Oʻzbekistonimizni uning oʻtmishi, buguni va kelajagini, uning betakror tabiatini, mehnatkash xalqimizning azm-u shijoatini, mamlakatimizning mustaqilligini avj pardalarda kuylagan va kuylayotgan shoir. Ushbu toʻplamga sevimli shoirimizning oʻquv dasturiga kirgan sheʼrlari bilan bir qatorda uning turli yillarda yozilgan eng sara asarlari ham kiritildi, ular shoir ijodi bilan yanada kengroq va teranroq tanishish imkonini beradi.