SAVDOGAR SAHOBALAR

Tijorat hayotida pul topish, boshqa hamkasblar bilan raqabotbardosh- lik va shuncha narsaga qaramay, qalbni sogʻ-salomat muhofaza qilish, asrab-avaylash oson emas. Bir tijoratchi buni amalga oshirishi uchun quyidagi qoidalarga qattiq ahamiyat berishi lozim: – Mustahkam va toʻgʻri aqidaga ega boʻlish; – Tijorat (savdo) fiqhini teran oʻrganish; – Sadoqatli va solih doʻstlar orttirish; – Tijoratga Allohni sherik qilib olish; – Eng oliy haqiqat boʻlmish ilmni doim yodda saqlash. Bular musulmon tijoratchining doim yodida, xayolida va qalbida boʻlishi kerak boʻlgan qoidalardir. Avvalo, mustahkam va toʻgʻri aqidaga ega boʻlish lozim. Aqida har narsaning poydevorini tashkil qilgani bois, bu birinchi oʻringa qoʻyiladi.