Qor malikasi

Bir bor ekan, bir yo'q ekan, bir yovuz jodugar oʻtgan ekan, yovuzlikda iblisdan ham oʻtib ketgan ekan. Bir kuni u kayfi judayam chog'ligida shunagangi bir koʻzgu yasaptiki, bu koʻzguda barcha yaxshi, goʻzal narsalar juda kichrayib qolar, hamma yomon, xunuk narsalar esa kattarib, yanada jirkanchroq boʻlib koʻrinar ekan. Ajoyib gul-u gulzorlar xuddi suvda pishgan ismaloqqa o'xshab qolar, eng yaxshi odamlar esa mayib-majruh boʻlib koʻrinar, oyoqlari osmondan kelib qolar, qorinlari esa umuman yo'q bo'lib ketar ekan!