OT KISHNAGAN OQSHOM

Tabiat va inson oʻrtasida koʻzga koʻrinmas uzviy birlik bor. Ana shu bogʻliqlik, birlik Oʻzbekiston xalq yozuvchisi, Abdulla Qodiriy nomidagi Davlat mukofoti sovrindori Togʻay Murod “Ot kishnagan oqshom” qissasida mohirona tasvirlab bergan. Qoʻlingizdagi kitob xalqimiz koʻngliga mustahkam oʻrin egallagan, chet tillarga tarjima qilinib, dovruq qozongan mashhur “Ot kishnagan oqshom” qissasidan tashkil topdi. Siz ushbu kitobni qoʻlga olib, oʻqiy boshlarkansiz, beixiyor asarda tasvirlangan Ziyodulla kal va ayoqlik Ot Tarlon bilan birga koʻpkarilarda qatnashasiz, or-nomus, vijdon va mardlik, halollik kabi asl insoniy tuygʻularga oshno boʻlasiz.