Oq qizlar

“Odamlarday yashashga intildim. Intilgan yillarimda saroblar undi. Hech qachon dilimdagini sirtimga chiqarib ozorlanmaganman. Ammo bugun qalb kosamdagi sharobga bir toʻlqin kelib urildi”, deya Jumagul ilkis qadamlar bilan lolazor tomon yurdi. Men uni ne soʻz bilan yupatishni bilmay ortidan qarab qoldim. U lolalar qarshisida tiz choʻkdi. Ortidan bordim. Yaqinlashganimda qoʻllariga koʻzim tushib, hayratdan qotib qoldim. Uning musht boʻlib tugilgan barmoqlari orasidan alvon rangli lolalar qoni chakillab maysalarga tomardi...