Navoiy

XX asrda oʻzbek adabiyoti yana bir yangi adabiy janr – roman janri bilan boyidi. Abdulla Qodiriyning «Oʻtgan kunlar» romani bilan adabiyotimizga kirib kelgan bu janrni keyincha-lik Qodiriy va Choʻlponlar otilib, asarlari ham qatagʻon etilganidan keyin – saqlab qolish va shu janrda yangi asarlar yaratish masʼuliyati Oybek zimmasiga tushdi. Oybek yaratgan «Qutlugʻ qon» va «Navoiy» romanlari oʻzbek romannavislik maktabining durdona asarlari sirasiga kiradi. XXI asrda ulgʻayib borayotgan kitobxonlar ulugʻ adibning «Navoiy» romanini, ota-onalari singari, sevib oʻqiydilar, deb umid qilamiz.