NAJOT KEMASI

Isteʼdodli ijodkor Akbar Mirzoning «Sadoqat» va «Najot kemasi» deb nomlangan qoʻsh qissasi odamiylikning inja tuygʻulari — vijdon, sadoqat, muhabbat va armon haqidadir. Inson bu hayotda nimalar ekani, u shu hayotning quvonch-nashishlarga, gʻam-anduhlarga birdek daxldorligini har qadamda his etib turishi kerak. Shu dahldorlik hissi bilan yashayotgan oddiy oʻqituvchi Dilmurodning kelajakka befarq emasligi, shu yoʻldagi maqsad-maqsadlari; notanish kishi — Burivoyning achchiq qismati, afsus-nadomatga toʻla ruhiy kechinmalari qoʻsh qissaning mazmun-mohiyatini belgilaydi va oʻylaymizki, ushbu qissa qahramonlarining umr yoʻli, ularning boshidan kechirganlari Siz aziz oʻquvchilarni befarq qoldirmaydi.