MSENSK UYEZDIDAN CHIQQA N MAKBET XONIM

Leskov rus adabiyotiga oʻziga xos bir yozuvchi sifatida kirib kelgan. U rus hayoti voqeligining tesha tegmagan, qorongʻi tomonlarini chuqur va batafsil yoritgan mohir qissanavis, ajoyib prozaik, qochirimli til egasi sifatida mashhurdir. Yozuvchi asarlarida chor Rossiyasi davrida zahmatkash xalqning boshidan kechirgan jabr-zulmlari yorqin boʻyoqlarda tasvirlanadi, dinni niqob qilgan nopok kimsalarning mol-dunyaga orttirish yoʻlida qilgan tubanliklari, hiyla-nayranglari kuchli satira tigʻiga olinadi.