MOTTI VOY

Oʻzbekiston xalq shoiri Anvar Obidjon asarlarining aksariyati oʻta quvnoqligi, biri biridan qiziq voqealarga boyligi, ayni chogʻda tagzaminida chuqur falsafiy fikrlar yashiringani bilan yosh kitobxonlarni azaldan oʻziga rom qilib kelmoqda. Adibning ichakuzdi hangomalariga yoʻgʻrilgan Moʻttivoy haqidagi asari «Yoshlik» jurnalida bosilishi bilanoq katta shov-shuvga sabab boʻldi, bolalar adabiyotiga bagʻishlangan yigʻinlarda yuqori baho oldi. Ushbu kitobni oʻqigach, bunday koʻtarinki gaplar bejiz aytilmaganiga oʻzingiz ham iqror boʻlasiz.