Koʻzlaringda bormi yulduzing

Zulfiya – bahor shoirasi. Zulfiya – qalblar shoirasi. Zulfiya sadoqatni madh etuvchi dilbar shoira. Ijodkorni goʻzal asarlar yozishga undovchi turli holatlar bor. Zulfiya esa yuragidagi ayriliq azobini misralarga tizar ekan, beixtiyor yozganlarida oʻzining vafo va yorga sadoqat tuygʻularini ham ifoda etadi. Ayolni ulugʻlagan, ayolni sharaflagan jufti xotirasini abadiylashtirishni oʻz burchi deb bilar ekan, Zulfiya bu masʼuliyatni bajarishning uddasidan chiqdi: Hayotda men uchun qolarding tirik, Qalaming mujdasin kutardim mushtoq. Zulfiya ijodiga mushtoqlar, Zulfiya ijodini sogʻinganlar uchun tayyorlagan tuhfamiz umid qilamizki, barchangizga manzur boʻladi.