Koʻz yoshda qotgan Vatan

Ushbu kitob yozuvchining qator hikoyalaridan tarkib topdi. Har birida hayot, taqdirlar, davrlar, millatlar, tuygʻular mujassam boʻlgan hikoyalarni oʻqir ekansiz, yuragingizdagi hadikdan xalos boʻlolmaysiz. Holatni, dardni siz his qildiradigan tasvir boʻgʻzingizdan yigʻi boʻlib otiladi, mijjangizni qoqmasangiz-da yonogʻingizga shashqator boʻlib yosh toʻkiladi. Yoʻq, Qoʻchqor Norqobil yozganlari sentimental emas, shunchaki yozuvchining yozgani rost va holat koʻchuvchan. Tili ravon, tasviri jonli va qisqa qilib aytganda, soʻzsiz tirik. Bu kitob, aynan tirik hikoyalar oʻqishni istovchilar uchun tayyorlandi. Demak, mutolaa sizga muntazir.