ISTIROB

Asar bosh qahramoni Zahro – maktabning katta oʻqituvchisi. Fidoiy, jonkuyar, mehnatkash, bir soʻz bilan aytganda, jonsarak ayol. Zahroning boshligʻi, yaʼni maorif mudiri uni nihoyatda hurmat qiladi, ishi borasida muvaffaqiyatlarini eʼtirof etadi, ammo xodimining bir jihatini sira qabul qilolmaydi: Zahroda rahm-shafqat, kechirish tuygʻusi yoʻq! Buning sababi balki shafqatsizlik dunyosida qolib ketgan bolalikka borib taqa;lar, balki bu tuygʻular uzun tunlarda ota-onasining janjallaridan qoʻrqib, unsiz toʻkilgan koʻz yoshlar bilan uni tark etgandir...