EZGULIKNING IZI GUL

Toʻplamga kirgan har bir qahramonni hammamiz taniymiz, ularning ichida el nazariga tushgan mashhurlari ham, oddiyginalari ham bor, biz esa, koʻpincha ular yonidan beparvo oʻtib ketamiz. Eng qizigʻi, Gulchehra opa ularning har birini yaxshi taniydi, ular bilan yaqin tanish, suhbatdosh, hamkor, hamfikr. Toʻplam keng kitobxonlar ommasiga moʻljallangan. Oʻylaymanki, qahramonlar bosib oʻtgan ibratli yoʻl, ezgu amallar hech kimni befarq qoldirmaydi. Kelajakda opamizning qalamlari yanada oʻtkir boʻlishini, nozik taʼbli adabiyotsevar xalqimiz yuragiga yetib boradigan kitoblar koʻpayishini tilab qolaman.