Chernobil tavallosi

Nega inson oʻz tafakkuri mahsuli boʻlgan, koriga yarashi kutilgan atom kuchidan foydalanishdan bu qadar qoʻrqib qoldi? Ilgarilab ketgan fan taraqqiyotiga avvalo kim tayyor turishi kerak – odamlarmi yoki hukumat? “Vahima uygʻotmaslik” maqsadida Chernobil fojiasi haqida ogohlantirilmaganligi tufayli hodisaning beayb qurboniga aylangan beloruslarning kechmishi butun insoniyat oldiga ana shu savollarni koʻndalang qoʻydi. Bu halokatdan soʻng odamlar oʻz tarixi, bugunini taftish qilib koʻrdi, natijada koʻplab achchiq haqiqatlar yuzaga chiqdi. Chernobildagi atom stansiyasi portlashi nafaqat texnogen falokat, balki fuqarolarini tashqi dunyodan uzib, “tikan sim ichida” yashashga majbur qilgan ulkan saltanatning ham halokati ekani ayon boʻldi.