UCHAR GILAM

“Ertaklar – yaxshilikka yetaklar”, deb bejiz aytilmagan. Ertaklar kelajagimiz poydevori hisoblangan yosh avlod – bolalarning ongi va qalbiga ezgu fazilatlarni jo qilinishda, ularning maʼnaviy olamini boyitishda muhim ahamiyat kasb etadi. Ular yordamida bolalarning xotirasi, diqqat-eʼtibori, tafakkuri rivojlanadi. Ertaklar orqali bolalarda ona – Vatanga muhabbat, ota-onaga hurmat, doʼst-birodarlarga sadoqat, adolatga intilish, jaholatdan qochish kabi fazilatlar shakllanadi.