Oqshom xabarlari

Inson demokratiya uchun emas, demokratiya inson uchun xizmat qilishi kerakligi haqidagi gʻoyani badiiy usulda yoritishga harakat qilgan amerikalik adib Artur Xeylining mazkur asarida jurnalistlarning ijodiy faoliyati, ommaviy axborot vositalarining odamlar hayotidagi oʻrni va roli qalamga olingan. Unda har qanday sharoitda oʻz kasbi va vijdoniga sodiq qolgan jurnalistning shijoatli kurashi, inson shaʼni va umri hamma narsadan ustun ekanligi haqida soʻz boradi. Amerika hayoti turli rakurslarda qalamga olingan, ham detektiv, ham falsafiy-psixologik janrda yozilgan ushbu asar kitobxonlarga manzur boʻladi, degan umiddamiz.