Komil inson — adabiyot ideali

Ushbu risolada Sharq mumtoz sheʼriyatida juda katta oʻrin tutgan hamsanavislik anʼanalari qalamga olinar ekan, toʻrt buyuk daho — Nizomiy Ganjaviy, Amir Xusrav Dehlaviy, Abdurahmon Jomiy va Alisher Navoiy «Xamsa»larining ilk dostonlari qiyosiy tahlil qilinadi. Ushbu dostonlarda komil inson tasviri talqin mavzuining markaziga qoʻyilgan holda mazkur toʻrt ijodkorning oʻxshash va farqli tomonlari teran yoritib beriladi. Risoladagi tahlillar bu daholarning inson masalasiga yondashuvlari, ular ilgari surgan tamoyillar va gʻoyalar bugun ham oʻz dolzarbligini yoʻqotmaganini koʻrsatadi.