Halima

Mazkur kitob Oʻzbekiston Respublikasida xizmat koʻrsatgan jurnalist Dilbar Mahmudovaning qariyb qirq yillar oraligʻida taniqli shoira bilan boʻlgan oʻzaro muloqotlari, kuzatuvlari, diltortar suhbatlari, uning ijodiy kechalari, zamondosh ijodkorlar, doʻstu yoronlari bilan diydor onlari, aniq sanalarda muhrlangan kundaliklar, hayotiy lavhalar asosida yozilgan. Esse-qissa shu jihatlari bilan ham oʻziga xos va qimmatlidir. Ushbu kitobda shoiraning chorak asr muqaddam yozilgan va birinchi marta eʼlon qilinayotgan «qoʻlyozmalar daftari»dan ham namunalar berilgan boʻlib, H.Xudoyberdiyeva ijodi ixlosmandlariga eng yaxshi tuhfa boʻladi, degan umiddamiz.