ESKI OʻZBEK YOZMA ADABIY TILI

Ushbu kitobda yuzyillar osha yaratilgan turkiy yozma yodgorliklar materiallariga tayangan holda Oʻzbek adabiy tilining yuzaga kelishi, ilk va oʻrta asrlardagi lingvistik takomili ilmiy tadqiq etilgan. Unda yozma adabiyotlar tilining fonetik, grammatik xususiyatlari, shuningdek, tarixiy atamashunoslik va matn stilistikasi masalalari keng qamrovda yoritib beriladi. Kitob filologlar, turkiy tillar tarixi yoʻnalishida izlanish olib borayotgan yosh ilmiy xodimlar va tolibi ilmlarga moʻljallangan.