ESHMONBEK

Anvar Suyunning mazkur qissasida Bulungʻurning Eshmontuʻp qishlogʻi tarixi va ushbu qishloqqa asos solgan afsonaviy Eshmonbek ismli shaxs haqidagi rivoyatlar badiiy talqin etilgan. Chamasi, yosh yozuvchi qadimda yashab oʻtgan kishilar hayoti, ruhiyati va kayfiyatini oʻtmishning oʻziga munosib yoʻsinida, uning asl ohangini aks ettira-digan shaklda ifodalashni moʻljal qilgan. Boshqacha aytganda, romantik odamlarning romantik hayot tarzini romantik tasvir yoʻsinida koʻrsatib bergan. Natijada, obyektiv hayot ifodasini subyek-tiv tasvir bilan uygʻunlashtirishga erishgan.