ADASHGAN AVTOBUS

Koʻlingizdagi asar nafaqat avtobus haydovchilari va yoʻlovchilari, balki oʻz hayot yoʻlida qoqilgan zamondoshlarimiz haqidadir. Darhaqiqat, baʼzi hamyurtlarimiz yengil va oson yoʻl topish maqsadida oʻz insoniy qadrini yerga urmoqdalar. Qonunsiz tarzda yurtdan chiqib ketgan vatandoshlarimiz xor-zora ishlarga jalb etilib, ayrim hollarda qul sifatida kamsitilayotganligi ham sir emas. Afsuski, boylik, mumay daromad ketidan quvganlar orasida xoru zor boʻlib qaytmayotganlar yoki farzandlarini tirik yetim qilib, oilasini taqdir hukmiga tashlab ketayotgan vatandoshlarimiz ham bor. Asarda bugungi kunning ana shu dolzarb muammosi qalamga olingan.